Гара-Фер, 100 мг/5 мл, амп. №5

Ҳозирги вақтда ГАРА-ФЕР препаратини юборишга нисбатан вақтинчалик ва кузатилиши мумкин бўлган сабабли алоқаси бўлган қуйидаги нохуш кўринишлар маълум. Барча симптомлар жуда кам кузатилган (ривожланиш тез-тезлиги 0,01% дан кам ва 0,001% га тенг ёки ортиқ). Нерв тизими томонидан: бош айланиши, бош оғриғи, хушни йўқолиши, парестезиялар. Юрак қон-томир тизими томонидан: юракни уришини ҳис этиш, тахикардия, артериал босимни пасайиши, коллаптоид ҳолатлар, қизиб кетиш ҳисси, юзни қизиб кетиши, периферик шишлар. Нафас аъзолари тизими томонидан: бронхоспазм, ҳансираш. Меъда-ичак йўллари томонидан: қоринда тарқоқ оғриқлар, эпигастрал соҳада оғриқ, диарея, таъм билишни бузилиши, кўнгил айниши, қусиш. Тери қопламлари томонидан: эритема, қичишиш, тошма, пигментацияни бузилиши, кучли терлаш. Таянч-ҳаракат аппарати томонидан: артралгия, белда оғриқ, бўғимларни шиши, миалгия, қўл-оёқларда оғриқ. Иммун тизими томонидан: аллергик, анафилактоид реакциялар, шу жумладан юзни шиши, хиқилдоқни шиши. Умумий характерга эга бўлган бузилишлар ва инъекция қилинган жойдаги реакциялар: астения, кўкракда оғриқ, кўкракда оғирлик ҳисси, ҳолсизлик, инъекция қилинган жойда оғриқ ва шиш (айниқса препарат экстравазал юборилганида), лоҳаслик ҳисси, терини оқариши, тана хароратини ошиши, эт увишиши бўлиши мумкин.

Вена ичига юборилади. ГАРА-ФЕР фақат вена ичига – секин оқим билан ёки томчилаб, шунингдек диализ тизимининг вена қон-томирлари соҳасига юборилади – мушак ичига юбориш учун мўлжалланмаган. Препаратнинг бутун терапевтик дозасини бир вақтда юбориш мумкин эмас. Биринчи терапевтик дозасини юборишдан олдин синама-дозани буюриш керак. Агар кузатиш давомида препаратни ўзлаштиролмаслик белгилари ривожланса, препаратни юборишни зудлик билан тўхтатиш керак. Ампулани очишдан олдин чўкма ва шикастланиш борлигини аниқлаш мақсадида ампулани текшириш керак. Тубига чўкма тушмаган фақат жигарранг эритмани ишлатиш мумкин. Томчилаб юбориш: артериал босим (АБ) ни яққол пасайиш ҳавфи ва эритмани вена қон-томири атрофидаги бўшлиққа тушиш ҳавфини камайтириш учун ГАРА-ФЕР препаратини вена ичига томчилаб юбориш афзал. Бевосита инфузия қилишдан олдин ГАРА-ФЕР препаратини 0,9% ли натрий хлориди эритмасида 1:20 нисбатида суюлтириш керак, масалан 1 мл препарат (20 мг темир) 20 мл 0,9% ли натрий хлориди эритмасида суюлтирилади. Олинган эритма қуйидаги тезлик билан юборилади: 100 мг темир – камида 15 минут давомида; 200 мг темир – 30 минут давомида; 300 мг темир – 1.5 соат давомида; 400 мг темир – 2,5 соат давомида; 500 мг темир – 3,5 соат давомида юборилади. Тана вазнига 7 мг темир/кг ташкил этувчи максимал ўзлаштира олинадиган бир марталик доза, препаратнинг умумий дозасидан қатъий назар, камида 3,5 соат давомида юборилиши керак. ГАРА-ФЕР препаратининг терапевтик дозасини биринчи марта томчилаб юборишдан олдин синама дозани юбориш керак: 20 мг темир – катталар ва тана вазни 14 кг дан ортиқ бўлган болаларга ва кундалик дозанинг ярми (тана вазнига 1,5 мг темир) – тана вазни 14 кг дан кам бўлган болаларга, 15 минут давомида юборилади. Нохуш кўринишлар ривожланмаса, эритманинг қолган қисмини тавсия этилган тезликда юбориш керак. Оқим билан юбориш: ГАРА-ФЕР препаратини шунингдек суюлтирилмаган эритма кўринишида вена ичига секин, бир минутда 1 мл ГАРА-ФЕР препарати (20 мг темир) тезлик билан (норма) юборилади, яъни 5 мл ГАРА-ФЕР препарати (100 мг темир) камида 5 минут давомида юборилади. Максимал ҳажми 1 инъекция учун 10 мл ГАРА-ФЕР препарати (200 мг темир) дан ошмаслиги керак. ГАРА-ФЕР препаратининг терапевтик дозасини биринчи марта оқим билан юборишдан олдин синама-дозани буюриш керак: 1 мл ГАРА-ФЕР препарати (20 мг темир) – катталарга ва тана вазни 14 кг дан ортиқ бўлган болаларга ва кундалик дозанинг ярми (тана вазнига 1,5 мг темир) – тана вазни 14 кг дан кам бўлган болаларга 1-2 минут давомида юборилади. Навбатдаги 15 минут давомида нохуш кўринишлар кузатилмаса, эритманинг қолган қисмини тавсия этилган тезлик билан юбориш керак. Инъекциядан сўнг беморга қўлини ёзилган ҳолатда бир қанча вақт давомида ушлаб туриш тавсия этилади. Диализ тизимига юбориш: ГАРА-ФЕР препаратини диализ тизимининг бевосита веноз қисмига, вена ичига инъекция қилиш учун таърифланган қоидаларга қатъий риоя қилинган ҳолда юбориш мумкин. Дозани ҳисоблаш: препаратнинг дозаси организмдаги умумий темир танқислигига мувофиқ индивидуал равишда қуйидаги формула бўйича ҳисобланади: Умумий темир танқислиги, мг = тана вазни, кг  (Hb нормал даражаси – беморнинг Hb даражаси), г/л  0,24* + заҳирадаги темир, мг. Тана вазни 35 кг дан кам бўлган беморлар учун: Hb нормал даражаси = 130 г/л, заҳирадаги темирнинг миқдори = 15 мг/кг. Тана вазни 35 кг дан ортиқ бўлган беморлар учун: Hb нормал даражаси = 150 г/л, заҳирадаги темирнинг миқдори = 500 мг. *0,24 Коэффициенти = 0,0034  0,07  1000 (Hb даги темирнинг миқдори = 0,34%; қон ҳажми = тана вазнининг 7%; 1000 коэффициент = “г” дан “мг” га ўтиш). ГАРА-ФЕР препаратининг юбориш керак бўлган умумий ҳажми (мл ларда) = умумий темир танқислиги (мг)/20 мг/мл (жадвалга қаранг). Жадвал: даволаш учун ГАРА-ФЕР препаратининг умумий ҳажми Тана вазни, кг В/и юбориш учун ГАРА-ФЕР препаратининг кумулятив терапевтик дозаси Hb 60 г/л Hb 75 г/л Hb 90 г/л Hb 105 г/л мг Fe мл мг Fe мл мг Fe мл мг Fe мл 5 160 8 140 7 120 6 100 5 10 320 16 280 14 240 12 220 11 15 480 24 420 21 380 19 320 16 20 640 32 560 28 500 25 420 21 25 800 40 700 35 620 31 520 26 30 960 48 840 42 740 37 640 32 35 1260 63 1140 57 1000 50 880 44 40 1360 68 1220 61 1080 54 940 47 45 1480 74 1320 66 1140 57 980 49 50 1580 79 1400 70 1220 61 1040 52 55 1680 84 1500 75 1300 65 1100 55 60 1800 90 1580 79 1360 68 1140 57 65 1900 95 1680 84 1440 72 1200 60 70 2020 101 1760 88 1500 75 1260 63 75 2120 106 1860 93 1580 79 1320 66 80 2220 111 1940 97 1660 83 1360 68 85 2340 117 2040 102 1720 86 1420 71 90 2440 122 2120 106 1800 90 1480 74 Умумий терапевтик дозаси рухсат этилган максимал бир марталик дозасидан юқори бўлганида препаратни бўлиб юбориш тавсия этилади. Агар ГАРА-ФЕР препарати билан даволаш бошланганидан сўнг 1-2 ҳафтадан кейин гемотологик кўрсаткичларни яхшиланиши кузатилмаса, дастлаб қўйилган ташхисни қайта кўриб чиқиш керак. Қон йўқотилганидан ёки аутологик қон топширилганидан сўнг темирнинг даражасини тўлдириш учун дозани ҳисоблаш ГАРА-ФЕР препаратининг дозаси қуйидаги формула бўйича ҳисобланади: Агар йўқотилган қоннинг миқдори маълум бўлса: вена ичига 200 мг темир (10 мл ГАРА-ФЕР препарати) ни юбориш 1 бирлик қонни (Hb концентрацияси = 150 г/л га тенг бўлган 400 мл қон) қуйиш каби Hb концентрациясини ошишига олиб келади. Тўлдириш керак бўлган темирнинг миқдори (мг) = йўқотилган қонни бирликлар миқдори  200 ёки ГАРА-ФЕР препаратининг керакли ҳажми (мл) = йўқотилган қонни бирликлар миқдори  10 Hb нинг даражаси пасайганида: темирнинг заҳирасини тўлдириш талаб этилмаса, дастлабки формуладан фойдаланинг. Тўлдириш керак бўлган темирнинг миқдори (мг) = тана вазни, кг  0,24  (нормал Hb даражаси – бемордаги Hb нинг даражаси), г/л. Масалан: тана вазни 60 кг, Hb танқислиги = 10 г/л “темирнинг керакли миқдори – 150 мг” ГАРА-ФЕР препаратининг керакли ҳажми = 7,5 мл. Стандарт дозалаш Катталар ва кекса беморлар: 5 мл ГАРА-ФЕР (100 мг темир) гемоглобиннинг даражасига қараб, ҳафтада 1-3 марта юборилади. Болалар: 3 ёшгача бўлган болаларда препаратни қўллаш юзасидан чекланган маълумотлар мавжуд. Қолган ёшдаги гуруҳида болалар учун тавсия этилган дозаси – 1 кг тана вазнига кўпи билан 0,15 мл (3 мг темир) гемоглобиннинг даражасига қараб ҳафтада 1-3 марта юборилади. Ўзлаштира олинадиган максимал бир марталик дозаси Катталар ва кекса ёшдаги беморлар: Оқим билан юбориш учун: 5 мл ГАРА-ФЕР (100 мг темир) препарати, юбориш давомийлиги камида 5 минутни ташкил этади. Томчилаб юбориш учун: кўрсатмаларга қараб, бир марталик дозаси 500 мг темирга етиши мумкин. Рухсат этилган максимал бир марталик дозаси 7 мг/кг ни ташкил этади ва ҳафтада 1 марта юборилади, аммо 500 мг темирдан ошмаслиги керак. Препаратни юбориш вақти ва суюлтириш усули юқорида кўрсатилган.

ГАРА-ФЕР препарати фақат, анемия ташхиси мувофиқ лаборатор маълумотлар (масалан, зардобдаги ферритин ёки гемоглобин ёки гематокритнинг даражасини аниқлаш натижалари, эритроцитларнинг миқдори ва уларнинг кўрсаткичлари – эритроцитларни ўртача ҳажми, гемоглобинни эритроцитдаги ўртача миқдори) билан тасдиқланган беморларга буюрилиши керак. Вена ичига юбориладиган темир препаратлари ҳаёт учун потенциал ҳавф туғдириши мумкин бўлган аллергик ва анафилактоид реакцияларни чақириши мумкин. ГАРА-ФЕР препаратини юбориш тезлигига қатъий риоя қилиш керак (тез юборилганида препарат АБ пасайтириши мумкин). Нохуш ножўя кўринишларни янада юқорироқ ривожланиш тез-тезлиги (айниқса – АБ пасайиши) оғир бўлиши ва шунингдек дозани оширилиши билан ассоциацияланган бўлиши мумкин. Шундан қилиб, ҳатто агар пациент препаратни ўзлаштира оладиган максимал бир марталик дозада олмаётган бўлса ҳам, “Қўллаш усули ва дозалари” бўлимида келтирилган препаратни юбориш вақтига қатъий риоя қилиши керак. Темир декстранига юқори сезувчанлик реакцияси бўлган пациентларда ўтказилган тадқиқотлар ГАРА-ФЕР препарати билан даволаниш фонида асоратлар бўлмаслигини кўрсатди. Препаратни вена қон-томирлари атрофидаги бўшлиққа тушишидан сақланиш керак, чунки ГАРА-ФЕР препаратини қон-томирдан ташқарига тушиши тўқималарни некрозига ва терини жигарранг рангга бўялишига олиб келади. Ушбу асоратлар ривожланганида темирни организмдан чиқарилишини тезлаштириш ва уни кейинчалик атроф тўқималарга ўтишини олдини олиш учун инъекция қилинган жойга таркибида гепарин сақловчи препаратлар (гель ёки суртма ишқаламасдан енгил ҳаракатлар билан суртилади) ни суртиш тавсия этилади. Контейнер биринчи марта очилганидан сўнг сақлаш муддати: микробиологик нуқтаи назаридан препаратни зудлик билан ишлатиш керак. Физиологик эритмада суюлтирилгандан сўнг сақлаш муддати: суюлтирилгандан сўнг кимёвий ва физикавий барқарорлиги хона хароратида 12 соат давомида сақланиб туради. Микробиологик нуқтаи назаридан эритмани зудлик билан ишлатиш керак. Агар препарат суюлтирилган заҳоти ишлатилмаган бўлса, препаратни сақлаш муддати ва шароити учун фойдаланувчи жавоб беради, ҳар қандай ҳолатда ҳам, агар эритмани суюлтириш назоратли ва кафолатланган асептик шароитларда бажарилган бўлса, сақлаш муддати хона хароратида 3 соатдан ошмаслиги керак.

Гара-Фер qoʻllash yoʻriqnomasi