Волвит, 5 мг, таб. №30

Биотин (Н витамини, В7 витамини) В гуруҳининг сувда эрувчан витамини ҳисобланади. Биотин организмда углеводлар, ёғлар, оқсиллар алмашинувида муҳим роль ўйнайди ҳамда ҳужайраларнинг меъёрий ўсиши ва ривожланиши учун жуда ҳам керакли витамин ҳисобланади. Биотин организмга тушганида карбоксилазалар коферменти бўлиб хизмат қилади, инсулга ўхшаш таъсир кўрсатади ва глюконеогенез жараёнида иштирок этади (глюкокиназ синтезида иштироки туфайли), бунинг оқибатида қонда қанд миқдорини даражасини барқарорлаштиришига ёрдам беради, нерв тизими функциясини яхшилайди. Биотин В гуруҳининг бошқа витаминлари, фолат кислотаси, пантотен кислотаси, цианокобаламин синергисти ҳисобланади. Биотиннинг пурин нуклеотидлари синтезида иштирок этиши тўғрисида маълумотлар бор. Шунингдек, биотин оқсил – коллаген синтезида иштирок этадиган олтингугурт манбаи ҳисобланади ва шу тарзда тери ва унинг ўсимталари (соч, тирноқ) тузилишига ижобий таъсир кўрсатади. Биотин одам организмига озиқ-овқат маҳсулотларидан тушади, шунингдек ичаклар микрофлораси билан синтезланади.

Биотин (витамин Н, витамин В7) является водорастворимым витамином группы В. В организме биотин играет важную роль в обмене углеводов, жиров, белков и является жизненно необходимым для нормального роста и развития клеток. При попадании в организм биотин служит коферментом карбоксилаз, оказывает инсулиноподобное действие и принимает участие в процессе глюконеогенеза (благодаря участию в синтезе глюкокиназы), вследствие чего оказывает содействие в стабилизации уровня сахара в крови, улучшает функцию нервной системы. Биотин является синергистом других витаминов группы В, фолиевой кислоты, пантотеновой кислоты, цианокобаламина. Есть данные об участии биотина в синтезе пуриновых нуклеотидов. Биотин является также источником серы, которая принимает участие в синтезе белка – коллагена, и таким образом положительно влияет на структуру кожи и ее придатков (волос, ногтей). Биотин поступает в организм человека из продуктов питания, а также синтезируется микрофлорой кишечника.

Организмда биотин ингичка ичакда пассив диффузия орқали сўрилади, шундан сўнг портал тизим орқали жигарга ва сўнгра тизимли қон оқимига ўтади. Биотиннинг қон плазмаси оқсиллари билан боғланиш даражаси 80% ни ташкил этади. Қонда эркин ёки кучсиз боғланган биотиннинг концентрацияси, одатда, 200 мкг/л дан 1200 мкг/л гачани ташкил этади. Биотин гематоэнцефалик ва йўлдош тўсиғи орқали ўтади. Организмда турли метаболитлар пайдо бўлган ҳолда метаболизмга учрайди. Сийдик (бир суткада 6 мкг дан 50 мкг гача) ва ахлат билан ўзгармаган шаклда (тахминан 50%), шунингдек биологик инерт моддалар алмашинуви маҳсуллари шаклида чиқарилади. Ярим чиқарилиш даври юборилган доза ҳажмига боғлиқ бўлиб, 100 мкг/кг тана вазни дозаси ичга юборилганидан сўнг тахминан 26 соатни ташкил этади.

Катталар ва 12 ёшдан катта болаларда биотин танқислиги туфайли пайдо бўлган қуйидаги касалликларни мажмуавий даволаш: - Соч касалликлари (сочни ўта ингичкалашиши, синувчан сочлар, соч тўкилиши, сочларнинг юқори ёғлилиги ёки қуруқлиги, соч оқариши); - Тери касалликлари (дерматит, ёғли себорея, тери қуруқлиги ва шўралаши); - Тирноқ касалликлари (тирноқлар синувчанлиги, қатламланиши, ўсиши ёки улар тузилишининг бузилиши); - Меъда-ичак йўллари томонидан функционал бузилишлар (шу жумладан, мальабсорбция синдроми); - Биотинидаза етишмовчилиги; - Психоэмоционал бузилишлар (юқори асабийлашиш ва толиқиш, серуйқулик, апатия, мушак бўшашиши) да қўлланилади.

Биотинга ёки препаратнинг бошқа таркибий моддаларига юқори сезувчанлик, 12 ёшгача бўлган болаларда қўллаш мумкин эмас.

Ножўя реакциялар қуйида MedDRA (SOC ва Preferred Term Level) тизим-аъзо таснифига мувофиқ келтирилган. Ножўя реакцияларнинг тез-тезлиги қуйидаги тарзда баҳоланади: жуда тез-тез (≥1/10); тез-тез (≥1/100 дан <1/10 гача); тез-тез эмас (≥1/1000 дан <1/100 гача); кам ҳолларда (≥1/10000 дан <1/1000 гача); жуда кам ҳолларда (<1/10000), тез-тезлиги номаълум (мавжуд маълумотлар бўйича баҳоланиши мумкин эмас). Иммун тизим томонидан бузилишлар: тез-тезлиги номаълум – биотинга индивидуал юқори сезувчанлик ҳолатида аллергик реакциялар бўлиши мумкин.

Биотин томир тиришишига қарши препаратлар билан бирга қўлланилганида сийдик билан кўп чиқарилиши натижасида қон плазмасида биотин концентрациялари пасайиши мумкин. Вальпроат кислотаси жигарда митохондрия функциясини пасайтирган ҳолда биотинидаз фаоллигини камайтиради. Хом тухум таркибида авидин протеини сақланиб, у биотин билан ўзаро таъсирланади, шу туфайли уларни бир вақтда қабул қилишдан сақланиш керак. 2-3 ҳафта давомида кўп миқдорда хом тухумни истеъмол қилиш биотин танқислигини пайдо қилиши мумкин. Пантотен кислотаси катта дозаларда биотин билан рақобатлашади, шу учун уларниг бир вақтда қўлланилишидан сақланиш керак. Клиник лаборатор кўрсаткичларига таъсири Биотин ва стрептавидиннинг ўзаро таъсири оқибатида биотин лаборатория тадқиқотларига таъсир этиши мумкин, бу таҳлил турига боғлиқликка, тест кўрсаткичлари янглиш пасайтирилиши ёки янглиш оширилишига олиб келиши мумкин. Бундай таъсир хавфи болалар ва буйрак етишмовчилиги бўлган пациентларда юқори бўлади ва доза оширилиши билан кучайиб боради. Лаборатор тадқиқотлари натижаларини талқин қилишда, айниқса, клиник манзара билан номувофиқлик кузатилган ҳолатда, биотиннинг таъсир этиш эҳтимолини ҳисобга олиш керак (масалан, қалқонсимон без таҳлили натижаларининг кўрсаткичлари бирга кечадиган симптомлар бўлган, бироқ биотин қабул қилаётган пациентларда ёки тропонинга тестнинг сохта-салбий натижалари биотин қабул қилаётган миокард инфаркти бўлган пациентларда диффуз токсик буқоқ сифатида талқин қилиниши мумкин). Биотин таъсири мавжудлиги тахмин қилинадиган ҳолатларда, агар бундай таъсир бўлса, биотиннинг таъсирига мойил бўлмаган муқобил тадқиқотлардан фойдаланиш керак. Биотин қабул қилаётган пациентларни лаборатор тадқиқотларига йўналтиришда лаборантлар билан маслаҳатлашиш керак.

Волвит® препарати овқатланишдан олдин оз миқдорли сув билан ичга қабул қилинади. Тирноқ, соч, тери касалликларини ва нерв тизими томонидан бузилишларни даволашда тавсия этилган дозаси бир суткада 5 мг ни ташкил этади. Мальабсорбция синдромида тавсия этиладиган суткалик доза 10 мг ни ташкил этади. Болалар ва катта ёшдаги пациентларда биотин танқислиги белгиларида тавсия этиладиган суткалик доза 5-20 мг ни ташкил этади. Болалар ва катта ёшдаги пациентларда биотинидаз етишмовчилигида тавсия этиладиган доза бир суткада 5-10 мг ни ташкил этади. Генетик детерминацияланган биотинга боғлиқ фермент етишмовчилигида (кўп сонли карбоксилаз танқислиги) тавсия этиладиган доза бир суткада 20 мг ни ташкил этади. Препарат узоқ вақт қўлланилиши мумкин, бир узлуксиз даволаш курси ўртача 1 ойни ташкил этади.

Ҳозирги вақтгача катта дозалар қўлланилган ҳолатда ҳам биотин дозасининг ошириб юборилиши ҳолатлари кузатилмаган.

Шифокор томонидан буюрилган даволаш муддати бузилмаслиги керак. Даволаш бекор қилинган ҳолатда препарат самараси пасайиши мумкин. Биотинга яхши чидамлилик туфайли даволаш узоқ вақт давом этиши мумкин.

Қуруқ, ёруғликдан ҳимояланган жойда 25°C дан юқори бўлмаган ҳароратда сақлансин. Болалар ололмайдиган жойда сақлансин.

DV/X 02773/03/17

Kusum Healthcare Pvt. Ltd